«Білімді – өрге жүзеді» атты сайыс

Тақырыбы: «Білімді – өрге жүзеді» атты сайыс

Мақсаты: Балаларды білімге деген қызығушылығын одан әрі дамыту. Балаларды ақылды болуға, білімді болуға, жылдамдыққа, шапшаңдыққа тәрбиелеу.

Жүргізуші: Құрметті балалар, ұстаздар, ата – аналар! Бүгінгі дайындық сыныптар арасында өткелі жатқан «Білімді – өрге жүзеді» атты сайысымызға қош келдіңіздер!

«Білікті бірді жығады, білімді мыңды жығады» деп білімнің өміріндегі мәнін ұғынса, білімнің шыңына шығу үшін асқан төзімділік, еңбексүйгіштік керек екендігі белгілі. Осылардан бала өз ойына жақсысын сіңіріп, жаманынан жиреніп, адамгершілік, қайырымдылық қасиеттерді бойына сіңіреді.

Өнердің нәр береді шапағаты

Әркімнің өнерге, білімге бар махаббаты,

Талпынып сайыскерлер шықты кәне,

Көрермен қошеметпен қол соғады.

Ортаға сайыскерлерімізді шақырамыз.

1 – топ «Достық»

2 – топ «Тұлпар»

3 – топ «Қызғалдақ»

4 – топ «Жауқазын»

Ашық жарқын жүзді,

Әділқазылар біздің

Таңдап баға берерге,

Шақырайық төрге, - деп, біздің бүлдіршіндеріміздің біліміне, өнеріне әділ бағасын беретін әділқазы алқасымен таныстырып өтейін.

Мектебіміздің «Бастауыш сыныптар» оқу ісінің меңгерушісі Жарас Ақтолқын.

2 – сынып мұғалімі Рзаева Айман.

Бастауыш сыныптар тәрбие ісінің меңгерушісі Досымова Нұрсауле.

Енді сайысымыздың барысымен таныс болыңыздар. Сайыс төрт бөлімнен тұрады:

1.      Таныстыру. Әр топ өз командаларын ұранымен таныстырады.

2.      Сұрақ – жауап.

3.      Сурет бойынша әңгімелеу.

4.      Өз өнерін көрсету.

1.      Таныстыру.Әр топ өз тобының аты, ұраны, топ мүшелерін таныстырып өтеді.

Осы сайыс бойынша әр топтың алған бағалары берілсін.

2.      Сұрақ – жауап. Ортаға сұрақтар қойылады.

1.      А дыбысынан келетін сөздерді табу?

2.      «Бүлдіршіндер» сөзін буынға бөлу. Неше буын бар?

3.      «Балалар» сөзінде неше дыбыс бар?

4.      М дыбысынан келетін сөздерді табу.

5.      Р дыбысынан келетін қыз балдардын атын ата.

6.      «Мектеп» сөзіндегі дауысты дыбысты ата.

7.      Б дыбысынан келетін сөздерді табу.

8.      «Жапырақтар» сөзін буынға бөлу. Неше буын бар?

9.      «Аналарымызға» сөзіндегі дауыссыз дыбыстарды атау.

10.            «Оқушылар» сөзін буынға бөлу. Неше буын бар?

11.            Т дыбысынан келетін адам аттарын атау.

12.            Үлкен, жуан, қалың сөздеріне қарама – қарсы сөздерді ата.

Бағалары беріледі.

Сурет бойынша әңгімелеу.

Бағалары беріледі.

Өз өнерін көрсету.

Бағалары беріледі.

Әділқазылар бағаларын есептегенше ортаға дайындық сынып оқушысы Қоңыратова Әсемнің орындауында би.

Жеңістер мен жеңілістен тұратын,

Өмір күрес, жеткізе ме мұратын,

Жеңбедім, жеңілдім деп ренжімегін,

Қатысу да бір жеңіс жан болсаң сен ұғатын, - деп сөз кезегін әділқазылар алқасына береміз.

Мақтау қағаздары тапсырылады.

Добавить комментарий | Комментариев к новости "«Білімді – өрге жүзеді» атты сайыс" уже 0: